Shërbimet Tona

Ne ofrojmë shërbime të vlerësimit të riskut për mbrojtjen e të dhënave personale, duke ndihmuar klientët në identifikimin dhe adresimin e rreziqeve të mundshme që lidhen me përpunimin e të dhënave. Ekipi ynë zhvillon strategji të personalizuara për të menaxhuar rreziqet e sigurisë, duke siguruar që klientët të respektojnë ligjet dhe të mbrojnë të dhënat personale të klientëve, punonjësve dhe partnerëve të tyre.

Ne ofrojmë trajnime për stafin e kompanive dhe organizatave në lidhje me praktikat e mira për mbrojtjen e të dhënave personale dhe kërkesat ligjore për mbrojtjen e privatësisë. Avokatët tanë ndihmojnë në zhvillimin e politikave të mbrojtjes së të dhënave, për të siguruar që të gjitha proceset dhe praktikat e mbledhjes, përpunimit dhe ruajtjes së të dhënave të jenë të përshtatshme dhe të ligjshme.

Ne ofrojmë përfaqësim ligjor për klientët që përballen me mosmarrëveshje dhe shkelje të ligjeve të mbrojtjes së të dhënave personale. Kjo përfshin mbrojtjen e klientëve në procedura administrative dhe gjyqësore lidhur me shkelje të të dhënave, përfshirë ankesa nga individët ose autoritetet mbikëqyrëse, dhe mbështetje në zgjidhjen e çështjeve të privatësisë dhe shkeljeve të të dhënave.

Ne asistojmë në përgatitjen dhe rishikimin e kontratave të lidhura me përpunimin e të dhënave, përfshirë marrëveshje me te tretet, për të siguruar që ato të përmbushin kërkesat e ligjore për mbrojtjen e të dhënave personale dhe që të gjitha palët e përfshira të respektojnë politikat dhe praktikat e duhura.